ՌԴ ՊՆ նախկին նախարար, ներկայում Անվտանգության խորհրդի քարտուղար Սերգեյ Շոյգուն ՌԴ նախագահ Վլադիմիր Պուտինի և այլ նախարարների հետ Պեկին է ժամանել մայիսի 16-ին։
Հյուրընկալ երկրում չեն ցանկացել ՌԴ անվտանգության խորհրդի քարտուղար Սերգեյ Շոյգուին թույլ տալ մասնակցել Չինաստանի խորհրդարանում կայանալիք բանակցություններին․ հաղորդել է «Կոմերսանտ»-ի հատուկ թղթակից Անդրեյ Կոլեսնիկովը։ Ըստ նրա` նեղ բանակցությունների ժամանակ Շոյգուն նստել է Պուտինի ձախ կողմում, սակայն ներկա չի եղել ընդլայնված կազմով հանդիպմանը։
«Կոմերսանտ»-ի տվյալներով՝ նրանք չեն ցանկացել Շոյգուին թողնել մուտք գործել Չինաստանի Ժողովրդական ժողովի պալատ։ Կազմակերպիչներին չի բավարարել նրա կրծքանշանը, որն իրավունք է տալիս անցնել, երբ խոսքը պատվիրակության անդամների մասին է։ «Անվտանգության խորհրդի քարտուղարը ստիպված էր սպասել ավելի քան մեկ-երկու րոպե, մինչև հարցը վերջնականապես լուծվեր իր օգտին», – գրել է Կոլեսնիկովը։
