Ադրբեջանը վայելում է արժանի հեղինակություն. Պուտին

ՌԴ նախագահ Վլադիմիր Պուտինը շնորհավորել է Իլհամ Ալիևին Ադրբեջանի անկախության օրվա կապակցությամբ։

«Ադրբեջանը հասել է համընդհանուր ճանաչում ունեցող հաջողությունների սոցիալ-տնտեսական զարգացման գործում, վայելում է արժանի հեղինակություն համաշխարհային ասպարեզում և ակտիվորեն մասնակցում է միջազգային օրակարգի կարևոր հարցերի լուծմանը:

Մեծ նշանակություն ենք տալիս Բաքվի հետ դաշնակցային փոխգործակցության հարաբերություններին։ Վստահ եմ, որ համատեղ ջանքերով մենք կշարունակենք համակարգված կերպով զարգացնել արդյունավետ երկկողմ համագործակցությունը բոլոր ոլորտներում, ինչպես նաև տարածաշրջանային հարցերում ջանքերի համակարգումը: Դա, անկասկած, համապատասխանում է մեր բարեկամ ժողովուրդների շահերին, ընթանում է Հարավային Կովկասում և Կասպից ծովում անվտանգության և կայունության ամրապնդման հունով», – ասված է հաղորդագրության մեջ։