Ըստ Էրդողանի` Նեթանյահուն արնախում վամպիր է

Թուրքիայի նախագահ Ռեջեփ Էրդողանը «մոլագար» և «արնախում վամպիր» է անվանել Իսրայելի վարչապետ Բենիամին Նեթանյահուին․

«Աշխարհը ուղիղ եթերով հետևում է Նեթանյահու անունով հիվանդի, մոլագարի, հոգեկանի և արյուն ծծող վամպիրի բարբարոսությանը», – ասել է Էրդողանը։ 

Խոսելով Պաղեստինում Իսրայելի ռազմական գործողությունների մասին՝ Թուրքիայի նախագահն ասել է. «Այս ցեղասպանությունը, այս դաժանությունը, այս բարբարոսությունը պետք է անհապաղ դադարեցվի մարդկության միասնական ջանքերով, քանի դեռ շատ ուշ չէ, և քանի դեռ Նեթանյահուն և նրա սպանությունների ցանցը լիովին դուրս չեն եկել վերահսկողությունից»։