Բալթիկ ծովում մեկնարկել են ՆԱՏՕ-ի խոշորագույն զորավարժությունները

Լիտվայի Կլայպեդա նավահանգստում մեկնարկել են ՆԱՏՕ-ի ռազմածովային ուժերի խոշորագույն Baltops 24 զորավարժությունները, հայտնել է Լեհաստանի զինված ուժերի մամուլի ծառայությունը։

«Այս տարի մասնակցում են տարբեր դասերի և տիպերի ավելի քան 50 նավ, 45 ուղղաթիռ և ինքնաթիռ, ինչպես նաև 9 հազար զինվոր»,- նշել են գերատեսչությունում։

Զորավարժությունների սցենարը ներառում է պայմանական երկրների միջև հակամարտության հետ կապված գործողություններ, զորավարժությունները պաշտպանական բնույթ ունեն:

Զորավարժություններին մասնակցում է ՆԱՏՕ-ի 20 երկիր, այդ թվում՝ Թուրքիան, ԱՄՆ-ն և Գերմանիան։