Գերմանիայում ավտոմեքենան բախվել է Հունգարիայի վարչապետի ավտոշարասյանը

Շտուտգարտում ավտոմեքենան բախվել է Հունգարիայի վարչապետ Վիկտոր Օրբանի ավտոշարասյունն ուղեկցող ոստիկանի մոտոցիկլետին, հայտնել է Bild-ը։

Պարբերականի տեղեկություններով՝ վթարի հետևանքով՝ 61-ամյա ոստիկան է մահացել, ևս մեկ ոստիկան վիրավորվել է։

Վթարի պահին Օրբանը շարժվում էր դեպի օդանավակայան։

Ավելի վաղ Շտուտգարտում նա այցելել է մարզադաշտ, որտեղ դիտել է Հունգարիայի հավաքականի հանդիպումը ֆուտբոլի Եվրոպայի 2024 թվականի առաջնությունում։

Հայտնի չէ, թե արդյոք Օրբանը տուժել է ավտովթարից։