Հայաստան-Հունաստան խաղի ժամանակ Հայաստանի ազգային հավաքականի FAF (Առաջին հայկական ճակատ) շարժման անդամներն իրենց աջակցությունն են հայտնել երկրպագու Երվանդ Իսմայիլյանին, որն արդեն 1 ամիս է՝ ֆիննական բանտում է:
Հիշեցնենք, որ Երվանդը ֆիննական բանտում է հայտնվել Ֆինլանդիա-Հայաստան խաղի ժամանակ գրանցված միջադեպից հետո՝ արմատներով թուրք երկրպագուի բողոքի հետևանքով: Հանդիպման ընթացքում ֆինն երկրպագուների կողմից սադրանքի արդյունքում մեր երկրպագուների նյարդերը տեղի էին տվել, Իսմայիլյանը ճայթրուկ էր նետել չեզոք գոտի, որը պատահմամբ դիպել էր Ֆինլանդիայի հավաքականի թուրք երկրպագուին։
Երվանդ Իսմայիլյանի դատը նշանակված է նոյեմբերի 28-ին:
