Ինչո՞ւ է ավելի պակաս հարկ հավաքագրվել այս տարի

ԿԲ նախագահ Մարտին Գալստյանն անդրադարձել է այս տարվա առաջին կիսամյակում հարկերի հավաքմանը։ Մասնավորապես, առաջին կիսամյակում 116 մլրդ դրամով պակաս հարկ է հավաքվել։ Ըստ նրա, հարկերի թերհավաքագրումը պայմանավորված է եղել պլանավորածի համեմատ ավելի թույլ տնտեսական ցուցանիշներ ունենալով։

«Այստեղ հարցն այն է, թե արդյոք տարեսկզբին մենք ամեն ինչ ճի՞շտ էինք պլանավորել ու հաշվի առե՞լ էինք արդյոք՝ ինչ–որ բաներ այլ կերպ կլինեն, թե՞ իրական տնտեսության հետ կապված խնդիրներ կան։ Ես կարծում եմ, որ թերհավաքագրումը պլանավորման հետ կապված խնդիրներ են»,– նշել է նա։ Ըստ Գալստյանի՝ հարցը սեկվեստորին չի հասնի։

Հարկերի թերհավաքագրման խնդիրը, ըստ նրա, հնարավոր է լուծել երկու տարբերակով` ՀՀ կառավարությունը կա՛մ պետք է պարտք ավելացնի, կա՛մ աշխատի բյուջեի ավելի մեծ դեֆիցիտով։

Գալստյանը համոզմունք է հայտնել, որ 2024 թ. կունենանք 6–տոկոսանոց տնտեսական ակտիվություն։ Նրա խոսքով` դա են վկայում նաև շուկայի կանխատեսումները։