Վահե Ղազարյանն այցելել է Լոռի
Լոռու մարզ կատարած աշխատանքային այցի շրջանակներում` հուլիսի 30-ին, Ներքին գործերի նախարար Վահե Ղազարյանը, Փրկարար ծառայության տնօրեն-ՆԳ նախարարի տեղակալ, փ/ծ գեներալ-մայոր Կամո Ցուցուլյանի ուղեկցությամբ, շրջել է Փրկարար ծառայության Լոռու մարզային փրկարարական վարչությունում, ծանոթացել շենքային պայմաններին ու տեխնիկական հագեցվածությանը։
Նախարարը աշխատանքային խորհրդակցություն է անցկացրել մարզային փրկարարական վարչության ու ենթակա ստորաբաժանումների ծառայողների հետ։
Ողջունելով ներկաներին՝ ՆԳ նախարարը շնորհակալություն է հայտնել աղետի գոտում փրկարարների կողմից իրականացված անձնվեր ծառայության, ինչպես նաև աղետի հետևանքների վերացման աշխատանքներին աջակցելու համար։
Քննարկվել են անտառներում հրդեհների կանխարգելման, արագ արձագանքման վերաբերյալ հարցեր։
Խորհրդակցությանը քննարկվել են նաև կարգապահական, կադրային քաղաքականության, ինչպես նաև կանանց և հաշմանդամություն ունեցող անձանց ծառայություն ներգրավելու վերաբերյալ հարցեր։
Անդրադարձ է կատարվել փրկարարների ատեստավորման գործընթացին, արդյունքում՝ սոցիալական երաշխիքների բարելավմանն ու մասնագիտական գիտելիքների կատարելագործմանը։
Ներկայացվել են ՆԳ նախարարությունում ընթացող բարեփոխումները, քննարկվել են ՆԳ նախարարության կազմում մեկ միասնական օպերատիվ կառավարման, այդ թվում՝ զանգերի կենտրոնի հետ կապված հարցեր։
Նույն օրը Վահե Ղազարյանն այցելել է նաև Վանաձորի թիվ 2 հրշեջ-փրկարարական ջոկատ: Նախարարը հանդիպել է ջոկատի ծառայողների հետ, ծանոթացել շենքային պայմաններին ու տեխնիկական հնարավորություններին: Քննարկվել են շենքային և աշխատանքային պայմանների բարելավման վերաբերյալ հարցեր:
Recent Posts
Կիպրոսն աջակցում է խաղաղության պայմանագրի վերջնական տեքստի արագ ստորագրմանը. ԱԳՆ
Կիպրոսը ողջունում է Հայաստանի և Ադրբեջանի միջև խաղաղ գործընթացում ձեռք բերված առաջընթացը և աջակցում պայմանագրի…
Թուրքական լրատվամիջոցների ուղերձը. Ադրբեջանը խոչընդոտում է ՀՀ-Թուրքիա կարգավորման գործընթացին
ՀՀ վարչապետի աշխատակազմի հանրային կապերի և տեղեկատվության կենտրոնի տնօրեն Գոռ Ծառուկյանը սոցցանցի իր էջում գրել…
2025 թվականին մայրաքաղաքում շուրջ 400 թեքահարթակ կկառուցվի
Երևանի քաղաքապետարանի՝ մարտի 17-ի գործակարգավարական խորհրդակցության ժամանակ զեկուցվել է, որ 2025 թ. ընդհանուր առմամբ մայրաքաղաքում…
Հանրային աղմուկի թեմայով խորհրդարանական լսումներ կանցկացվեն
Մարտի 21-ին՝ ժամը 12:00-ին, ԱԺ նիստերի դահլիճում Մարդու իրավունքների պաշտպանության և հանրային հարցերի մշտական հանձնաժողովի…
Ֆասթ Բանկը 2024թ.-ն ամփոփել է բարձր ֆինանսական ցուցանիշներով
Ֆասթ Բանկը 2024թ․-ն ամփոփել է բարձր ֆինանսական ցուցանիշներով։ Նախորդ տարի Բանկի ընդհանուր ակտիվները կազմել են…
Բանակցությունները չեն կարող սկսվել, քանի դեռ Ուկրաինայում մարտերը չեն դադարել. Ռուբիո
Վաշինգտոնը պնդում է, որ Ուկրաինայում առնվազն կարճաժամկետ հրադադար պետք է լինի, քանի որ ռազմական գործողությունների…