Նեթանյահուն պետք է պատասխան տա. Էրդողան

Գազայի հատվածի ճգնաժամը հանգեցրել է համաշխարհային համակարգի սնանկացմանը, իսկ Իսրայելին աջակցող արևմտյան երկրները դարձել են պաղեստինյան անկլավում Իսրայելի ցեղասպան քաղաքականության մեղսակիցը:

Այս մասին Անկարայում հայտարարել է Թուրքիայի նախագահ Ռեջեփ Թայիփ Էրդողանը իշխող «Արդարություն և զարգացում» կուսակցության կենտրոնակայանում։ Հեռարձակումն իրականացրել է TRT Haber հեռուստաալիքը։

«Արևմտյան երկրները մեղսակից են Իսրայելի ցեղասպան քաղաքականությանը: Համաշխարհային քաղաքականությունն անցնում է պատմության ամենադժվար ժամանակաշրջաններից մեկը: Միջազգային համակարգում լուրջ վակուում կա, և մենք կանգնած ենք բարոյականության և խղճի կորստի առաջ: Արևմտյան երկրները դարձել են մեղսակից Գազայում Իսրայելի ցեղասպան քաղաքականության մեջ»,- ասել է նախագահը։

Էրդողանը կրկնել է, որ Իսրայելի վարչապետ Բենիամին Նեթանյահուն պետք է պատասխան տա Գազայում կատարված հանցագործությունների համար։

«Այն վայրը, որտեղ պետք է լինեն ցեղասպանություն իրականացնելու պատասխանատուները, ոչ թե խորհրդարանի ամբիոններն են, այլ դատարանների դահլիճները, որտեղ նրանք պատասխան են տալու իրենց կատարած հանցագործությունների համար»,- ասել է Թուրքիայի ղեկավարը։