Ուկրաինան Մեքսիկային խնդրել է ձերբակալել Պուտինին

Ուկրաինան Մեքսիկային խնդրել է ձերբակալել Ռուսաստանի նախագահ Վլադիմիր Պուտինին, եթե նա մեկնի նախագահ Կլաուդիա Շեյնբաումի երդմնակալությանը։ Այս մասին հինգշաբթի՝ օգոստոսի 8-ին, հայտնել է Մեքսիկայում Ուկրաինայի դեսպանատունը։

Ուկրաինացի դիվանագետները հույս են հայտնել, որ Մեքսիկայի կառավարությունը գիտի, որ «Վլադիմիր Պուտինը ռազմական հանցագործ է», որի նկատմամբ ուկրաինացի երեխաներին առևանգելու և բռնի կերպով Ռուսաստան տեղափոխելու կասկածանքով կալանավորման հրաման է արձակվել Միջազգային քրեական դատարանի կողմից, դրա իրավասությունն ընդունում է Մեքսիկան։

«Միևնույն ժամանակ մենք վստահ ենք, որ Մեքսիկայի կառավարությունը ցանկացած դեպքում կկատարի ձերբակալության միջազգային օրդերը»,- ասված է նամակում։

Հիշեցնենք, որ օգոստոսի 7-ին Մեքսիկան Պուտինին հրավիրել էր երկրի նորընտիր նախագահի երդմնակալության արարողությանը։

Ինչպես գիտեք, 2023 թվականին ՄՔԴ-ն Պուտինին ձերբակալելու օրդեր է տվել ՝ մեղադրելով նրան Ուկրաինայից հարյուրավոր երեխաների ապօրինի արտաքսման մեջ, և այժմ Ռուսաստանի առաջնորդը կարող է կալանավորվել բոլոր այն երկրներում, որոնք վավերացրել են Հռոմի խարտիան։