«Հյուսիսային հոսքի» պայթեցման մեջ Զալուժնին վճռական դեր է ունեցել

Ուկրաինայի զինված ուժերի նախկին գլխավոր հրամանատար Վալերի Զալուժնին վճռորոշ դեր է խաղացել 2022 թվականի սեպտեմբերին Բալթիկ ծովի հատակին «Հյուսիսային հոսք» և «Հյուսիսային հոսք – 2» գազատարների պայթեցման գործում։ Այս մասին օգոստոսի 14-ի երեկոյան հայտնել է The Wall Street Journal-ը՝ վկայակոչելով իր աղբյուրները։

Պարբերականի տեղեկություններով՝ գործողության գաղափարը ծնվել է 2022 թվականի մայիսին՝ ուկրաինացի բարձրաստիճան զինվորականների և գործարարների հանդիպման ժամանակ, որոնք այն ֆինանսավորել են։

Այն վերահսկել է անանուն գեներալը, որն ուղղակիորեն ենթարկվել է Զալուժնիին, իսկ պայթեցմամբ զբաղվել է սովորական վարձակալած զբոսանավով վեց հոգուց բաղկացած ռազմական և քաղաքացիական սուզորդների թիմը։

Ուկրաինայի նախագահ Վլադիմիր Զելենսկին բանավոր հավանություն է տվել գործողության ծրագրին, սակայն, երբ ԱՄՆ Կենտրոնական հետախուզական վարչությունը իմացել է դրա մասին և կոչ արել Կիևին չեղարկել գործողությունը, փոխել որոշումը և այդ մասին ասել Զալուժնիին, բայց նա չի լսել։

Ավելի ուշ նա Զելենսկուն ասել է, որ դիվերսիոն խումբն արդեն կտրված էր արտաքին աշխարհից և չէր կարող հետ կանչվել․ գրում է պարբերականը։