Խաղաղության պայմանագրի վերջին նախագծում ունենք 17 հոդված, որից 13-ը լիարժեք համաձայնեցված են, նաև՝ վերնագիրը, նախաբանը, ասել է ՀՀ վարչապետ Նիկոլ Փաշինյանը։
Ըստ նրա, ևս 3 հոդված համաձայնեցված է մասնակի.
«Ընդ որում, ունենք հոդվածներ, որ երկու նախադասությունից է բաղկացած։ Մի նախադասությունը համաձայնեցված է, մյուսը՝ ոչ։ Ունենք հոդված, որի բառապաշարն ընդհանուր առմամբ համաձայնեցված է»,- ասել է նա։
Ըստ վարչապետի՝ «Մենք առաջարկել ենք վերցնել բոլոր համաձայնեցված հոդվածներն ու ձևակերպումները և դրանք ստորագրել որպես խաղաղության պայմանագիր, որովհետև դա հենց խաղաղության պայմանագիրն է»։
