Կրթության և գիտության ոլորտի հարգելի աշխատակիցներ,
սիրելի աշակերտներ և ուսանողներ,
Շնորհավորում եմ սեպտեմբերի 1-ի՝ գիտելիքի ու դպրության օրվա առթիվ։
Հայ ժողովուրդը պատմականորեն առանձնահատուկ վերաբերմունք է ունեցել կրթության և գիտության նկատմամբ ու պատահական չէ, որ առաջիններից մեկն է յուրացրել ժամանակի գիտակրթական նորարարություններն ու հեղափոխական փոփոխությունները՝ այն գիտակցումով, որ կրթությունն է ազգի ու պետության հարատևության հիմնական ու կարևոր երաշխիքը։
Այսօր էլ ՝ գիտելիքահենք, նորարար ու մրցունակ կրթությունն է ուժեղ ու իրավագիտակից քաղաքացի, պատասխանատու քաղաքացիական հասարակություն, հզոր պետություն կերտելու գլխավոր գրավականը։
Այսօր ստացած որակյալ ու մրցունակ կրթությունն է վաղվա Հայաստանի՝ որպես մրցունակ և բարեկեցիկ պետության, հաստատուն ժողովրդավարության ու ինքնիշխանության հուսալի երաշխիքը։
Կրթված և գիտելիքի արժեքն ու դերը իմացող քաղաքացին է գիտակցում ու արժևորում մեր պետության անկախության, ինքնիշխանության և ժողովրդավարության, ժողովրդավարական արժեքների մեծ նշանակությունը, կարևորությունը. չէ որ իրական գիտելիքը ինքնին ազատություն է ու պատասխանատվություն՝ մարդու և քաղաքացու, հասարակության ու պետության մակարդակներում։
Ուստի, բոլորիս ջանքերը պետք է ուղղված լինեն այդ գիտելիքը մեր սերունդներին հասու և հասանելի դարձնելուն։
Սիրելի’ մանկավարժներ, աշակերտներ և ուսանողներ,
ևս մեկ անգամ շնորհավորում եմ այս խորհրդանշանական օրվա առթիվ` մաղթելով բեղմնավոր և արդյունավետ ուսումնական տարի։
