Երկուշաբթի գիշերը 4 մարդ է զոհվել Բեյրութի կենտրոնում բնակելի տան վրա իսրայելական հարվածի հետևանքով․հայտնում է BBC-ն՝ հղում անելով AFP-ին:
Իսրայելական անօդաչուն հարված է հասցրել «Ալ-Ջամաա ալ-Իսլամիա» խմբավորման անդամներին պատկանող Կոլայի շրջանում գտնվող շենքին։ Դեպքի վայրից արված կադրերում երևում է, որ քանդվել է բազմաբնակարան շենքի հարկերից մեկը։ Հարվածից հետո այնտեղ հրդեհ է բռնկվել։
«Պաղեստինի ազատագրման ժողովրդական ճակատ» (PFLP) կազմակերպությունում հայտարարել են, որ հարվածի հետևանքով զոհվել են նրա երեք առաջնորդները:
AFP-ի տվյալներով՝ սպանվածների թվում են Անվտանգության ծառայության պետ Մոհամմադ Աբդել-Աալը, հրամանատար Իմադ Օդեհը, ինչպես նաև Աբդելրահման Աբդել-Աալը: Սա առաջին հարվածն է, որը հասցվել է քաղաքի սահմաններում ներկայիս էսկալացիայի ընթացքում. ավելի վաղ իսրայելցի զինվորականները գրոհել էին հիմնականում Բեյրութի հարավային ծայրամասը, որտեղ տեղակայված են «Հըզբոլլահի» օբյեկտները և Լիբանանի այլ շրջաններ:
Իսրայելի պաշտպանության բանակը դեռևս չի մեկնաբանել այդ հաղորդագրությունները: Գիշերը ՑԱԽԱԼ-ը հայտնել էր միայն Լիբանանի արևելքում Հըզբոլլահի օբյեկտներին հարվածելու մասին։
Գյումրու դրամատիկական թատրոնը սեպտեմբերի 28-ին բացել է իր 159-րդ թատերաշրջանը։Թատերաշրջանի բացումը ազդարարվել է Նոել Քոուարդի…
Ռուսաստանի նախագահ Վլադիմիր Պուտինը ԴԺՀ-ի, ԼԺՀ-ի, Զապորոժիեի և Խերսոնի շրջանների՝ Ռուսաստանին միանալու երկրորդ տարեդարձի կապակցությամբ…
ԿԳՄՍ նախարարին կից հասարակական խորհուրդը գումարել է իր հերթական նիստը, որը վարել է խորհրդի նախագահ,…
Երևանում այսօր բացվել է Իրանի առևտրի կենտրոնը։ Այնտեղ ներկայացված են իրանական շուկայի խոշորագույն արտադրողները նավթի,…
Ամերիկացի գործարար Իլոն Մասկը վստահ է, որ հաղթանակի դեպքում դեմոկրատները կոչնչացնեն սահմանադրությունը. «Եվ նրանք (դեմոկրատները)…
ՀՀ էկոնոմիկայի նախարար Գևորգ Պապոյանը սեպտեմբերի 30-ին ընդունել է ԻԻՀ Արդյունաբերության, հանքերի և առևտրի նախարար…