ԱԺ-կառավարություն հարցուպատասխանի ժամանակ վարչապետ Նիկոլ Փաշինյանն անդրադարձել է խաղաղության պայմանագրի շուրջ բանակցություններին․
«Էն, որ Ադրբեջանը նոր թեմաներ է բերում դաշտ, նշանակում է՝ այնքան էլ հակված չէ խաղաղության պայմանագիր ստորագրելուն։
Մեր քաղաքական խնդիրն է՝ փոխել ընդհանուր միջավայրը և մթնոլորտը, որպեսզի խաղաղության պայմանագրի ստորագրումը դառնա իրատեսական»։
«Հայաստան» խմբակցության պատգամավոր Ագնեսա Խամոյանի հարցին՝ ինչպես եք դա երաշխավորում, նա ասել է.
«Ես խաղաղությունը երաշխավորում եմ խաղաղության օրակարգի հետևողական, անդադրում, սկզբունքային, անշեղ իրականացմամբ»։
