Կառավարությունն ավելացնում է առաջին ատյանի ընդհանուր իրավասության դատարանների քրեական մասնագիտացմամբ դատավորների թիվը։
Արդարադատության փոխնախարար Արմենուհի Հարությունյանը տեղեկացրել է, որ 2021թ. ընդունված քրեական օրենսգրքով սահմանվել են հանցանքներ, որոնց կատարման համար անձը կարող է ենթարկվել քրեական պատասխանատվության միայն տուժածի քրեական հայցի հիման վրա։
Այս դեպքում վարույթը ենթակա է իրացման ոչ թե հանրային մեղադրանքի կարգով, այլ՝ առանց մինչդատական վարույթի, անմիջականորեն դատարանի կողմից մասնավոր մեղադրանքի վարույթով։
Փոխնախարարը նշել է, որ որոշումն ուժի մեջ մտնելուց հետո, երբ նշանակվեն դատավորները, այս կարգը կգործի։