Աստանայում ընթանում է ԱՊՀ երկրների անվտանգության մարմինների և հատուկ ծառայությունների ղեկավարների խորհրդի 55-րդ նիստը։ Հայաստանը ներկայացնում է Հայաստանի ԱԱԾ տնօրենի տեղակալ Եսայի Մկրտչյանը։
«Խորհրդի անդամները հիմնական ուշադրությունը կկենտրոնացնեն ահաբեկչության և կրոնական ծայրահեղականության դեմ պայքարում Համագործակցության երկրների հատուկ ծառայությունների փոխգործակցության կատարելագործմանը»,- ասվում է հաղորդագրության մեջ։
Ինչպես գրում է «Sputnik Ղազախստանը», նիստից առաջ անվտանգության մարմինների և հատուկ ծառայությունների ղեկավարներին ընդունել է Ղազախստանի նախագահ Կասիմ-Ժոմարտ Տոկաևը։
Նա նշել է, որ տվյալ հարթակը անվտանգության ոլորտում ջանքերը համակարգելու գործիք է, և ժամանակակից պայմաններում խորհրդի դերն էլ ավելի է մեծանում։