ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանը որևէ ազդանշան չի ստացել կրակը դադարեցնելու Կիևի պատրաստակամության վերաբերյալ։
«Ոչ, չենք ստացել», – ասել է Պեսկովը լրագրողներին՝ պատասխանելով հարցին, թե արդյոք Մոսկվան ազդանշաններ ստացե՞լ է Կիևի ենթադրյալ պատրաստակամության մասին հրադադար հաստատելու գոյություն ունեցող առաջնագծի երկայնքով՝ Արևմուտքից անվտանգության մի շարք երաշխիքների դիմաց։
Հիշեցնենք` Կիևը պատրաստ է առանց նոր սահմանների ճանաչման հրադադարի՝ ԱՄՆ-ի կողմից անվտանգության երաշխիքներ ստանալու ու ԵՄ-ին անդամակցելու դիմաց. գրել է Corriere della Sera թերթը՝ նշելով, որ եվրոպական շրջագայության ընթացքում, որը ներառում է Փարիզը, Հռոմը և Բեռլինը, Ուկրաինայի նախագահ Վլադիմիր Զելենսկին ցանկանում է ԵՄ-ից և ԱՄՆ-ից երաշխիքներ ստանալ։
