Ռուսական զորքերը նոր հարձակում են սկսել Կուրսկի շրջանի մի քանի հատվածում և ճեղքել ուկրաինական պաշտպանական գիծը՝ հայտնում են Ռուսաստանի պաշտպանության նախարարության հետ կապված տելեգրամյան ալիքները:
Ուկրաինական DeepState վերլուծական նախագիծը նաև տեղեկացրել է, որ ռուսական բանակը «հետ է մղել» Ուկրաինայի զինված ուժերի՝ Կուրսկի խմբավորման ձախ թևը։ Հոկտեմբերի 10-ի ընթացքում Ուկրաինայի զինված ուժերը կորցրել են ավելի քան 38 քառակուսի կմ օկուպացված տարածք։
Ռուսական զորքերին հաջողվել է գրավել հինգ բնակավայր և շրջապատել թշնամու առնվազն երկու գումարտակ՝ կտրելով մատակարարման և տարհանման երկու կարևոր ճանապարհ:
Վերլուծաբանները նշում են, որ ուկրաինական զորքերի մի մասը շրջապատման վտանգի տակ է։
Միաժամանակ, Ուկրաինայի ազգային անվտանգության և պաշտպանության խորհրդին առընթեր ապատեղեկատվության հակազդման կենտրոնի ղեկավար Անդրեյ Կովալենկոն հայտարարել է, որ Ուկրաինայի պաշտպանության ուժերին հաջողվել է տապալել ռուսական բանակի ծրագրերը։
