Նիկարագուայի առաջնորդ Դանիել Օրտեգան Ուկրաինայի նախագահ Վլադիմիր Զելենսկիին անվանել է «Հիտլերի որդի»՝ Ռուսաստանի հետ կռվելու ցանկության պատճառով։
«Նա ևս մի նացիստ է, ևս մի «Հիտլերի որդին», որը ցանկանում է ՆԱՏՕ-ին ներքաշել Ռուսաստանի Դաշնության հետ պատերազմի մեջ»,- ասել է նա տեղական Canal 6 հեռուստաալիքով հեռարձակված ելույթի ժամանակ:
Օրտեգայի խոսքով՝ Հիտլերը նույնպես կարծում էր, որ իրեն կհաջողվի հարձակվել ԽՍՀՄ-ի վրա, սակայն թերագնահատել էր խորհրդային ժողովրդի տոկունությունը։
«Սա կանխորոշեց Հիտլերի մահը, քանի որ ռուս ժողովուրդը հերոսաբար դիմադրեց, պաշտպանվեց և կռվեց այնքան ժամանակ, մինչև հաղթեց նացիստներին»,- ընդգծել է նիկարագուացի քաղաքական գործիչը:
