Մոսկվայի Բասմանյան շրջանի դատարանը կալանք է կիրառել ՌԴ պաշտպանության նախարարության Կադրերի գլխավոր վարչության նախկին պետ Յուրի Կուզնեցովին եւ նրա հարազատներին պատկանող բանկային հաշիվների եւ անշարժ գույքերի նկատմամբ:
Իրավապահ համակարգի աղբյուրները ՌԻԱ-Նովոստիին ասել են, որ խոսքն ընդհանուր առմամբ ավելի քան երեք միլիոն դոլար գումարի մասին է:
Կալանք է դրվել քսանինը բանկային հաշիվների եւ ավելի քան հազար քառակուսի մետր տարածքով եռահարկ առանձնատան վրա, որ գտնվում է Կրասնոդար քաղաքում:
Աղբյուրն ասել է, որ Կուզնեցովի գործով կալանավորվել է նաեւ կրասնոդարցի գործարար Լյովա Մարտիրոսյանը, որ մեղադրվում է Կուզնեցովին առանձնակի խոշոր չափի կաշառք տալու մեջ:
Ըստ տեղեկությունների, փոխարենը Մարտիրոսյանը շահել է Կրասնոդարի բարձրագույն ռազմական ուսումնարանին «հյուրանոցային ծառայություններ մատուցելու» մրցույթը: Յուրի Կուզնեցովը ձերբակալվել այս տարվա ապրիլին:
ՌԴ ՊՆ պաշտոնյաներից նա միակը չէ, որ բացահայտվում է որպես կոռումպացված չինովնիկ: Քրեկան գործեր են հարուցվել մեկ տասնյակից ավելի նախկին բարձրաստիճան զինվորականների նկատմամբ:
Այդուհանդերձ, պաշտպանության նախկին նախարար Սերգեյ Շոյգուն, չնայած որ մեղադրվում են նրա անմիջական ենթակաները, շարունակում է անվրդով գլխավորել Ռուսաստանի Անվտանգության խորհուրդը, մի մարմին, որ կոչված է վերահսկելու երկրի բոլոր ուժային կառույցները:
Թիվ 1 սյունակ, Վահրամ Աթանեսյան
