Ադրբեջանի նախագահի հատուկ հանձնարարությունների հարցերով ներկայացուցիչ Էլչին Ամիրբեկովի Ճապոնիա կատարած աշխատանքային այցի շրջանակներում քննարկվել է նաև Բաքվի և Երևանի միջև խաղաղության գործընթացը: Այս մասին X սոցիալական ցանցում հայտնել է Ճապոնիայում Ադրբեջանի դեսպան Գյուրսել Իսմաիլզադեն։
Միջազգային հարաբերությունների ճապոնական ֆորումում (JFIR) Էլչին Ամիրբեկովը հանդես է եկել զեկույցով՝ «Պատմական շանս Հարավային Կովկասում խաղաղության համար. մարտահրավերներ և հնարավորություններ» թեմայով:
Իր ելույթում նա ընդգծել է Հայաստանի և Ադրբեջանի միջև խաղաղության կարգավորման կարևորությունը՝ տարածաշրջանում կայունություն և բարգավաճում ապահովելու համար։
