Հոկտեմբերի 21-ի երեկոյան սկսված եւ ամբողջ գիշեր տեղացած հորդառատ անձրեւը կաթվածահար է արել Բաքվի ներքաղաքային երթեւեկությունը:
«Թուրան» գործակալությունը հաղորդում է, որ հեղեղաջրերը լցվել են «մետրոպոլիտենի կայարանները, բոլոր գետնանցումները եւ թունելները»:
Հեղեղվել է նաեւ Բաքվից «Հեյդար Ալիե» օդանավակայան տանող ճանապարհը, հազարավոր մեքենաներ ողջ գիշերը մնացել են խցանումների մեջ:
Ըստ պաշտոնական հաղորդագրության՝ ԱԻՆ «մոբիլ խմբերը տարհանել են վտանգի մատնված ութ քաղաքացիների»:
«Թուրան» գործակալությունն իր հերթին գրում է, որ «ոչ պաշտոնական տեղեկություններով՝ հեղեղումների հետեւանքով կան տուժածներ»:
Առավել վտանգավոր իրավիճակ է Բաքվի մերձական ավաններում, որտեղ ջրահեռացման համակարգ առհասարակ գոյություն չունի: Բազմաթիվ մասնավոր տներ նկուղային եւ առաջին հարկերը լցվել են հեղեղաջրերով:
MeydanTV առցանց ռեսուրսը ծաղրել է Բաքվի գործադիր իշխանությանը, որ «գետնանցումները սալիկապատել է մարմարով, բայց ջրահեռացման համակարգ չի կառուցել»:
Ուշագրավ է, որ Բաքվի «համաշխարհային ջրհեղեղը» տեղի է ունենում Կլիմայի հարցերով միջազգային խորհրդաժողովի գումարման նախօրեին:
Իշխանական մամուլը տարփողում է, որ «քսանութ հազար հյուր ընդունելու համար ամեն ինչ արվել է, բոլոր ծառայությունները կազմուպատրաստ են»:
Իսկ կա՞ երաշխիք, որ խորհրդաժողովի օրերին Բաքվում անձրեւ չի տեղալու:
Թիվ 1 սյունակ, Վահրամ Աթանեսյան
ԱՄՆ պետքարտուղար Էնթոնի Բլինքենը ժամանել է Իսրայել։ Ըստ Reuters-ի՝ իսրայելական ուժերի կողմից ՀԱՄԱՍ-ի առաջնորդի սպանությունից…
Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. հոկտեմբերի 23-ից երթևեկության կազմակերպման փոփոխություն կկատարվի Իսահակյան փողոցում:…
ՀՀԿ ԳՄ-ն Հայաստանի ու Ադրբեջանի միջև սահմանազատման հանձնաժողովի կանոնակարգի վերաբերյալ հայտարարություն է տարածել։ «Հայաստանի Հանրապետության…
ՌԴ նախագահ Վլադիմիր Պուտինը Հնդկաստանի վարչապետ Նարենդրա Մոդիի հետ հանդիպման ժամանակ կատակել է, որ առաջնորդների…
Չինաստանի Ժողովրդական Հանրապետության նախագահ Սի Ծզինպինը ժամանել է Կազան՝ մասնակցելու BRICS-ի գագաթնաժողովին։ ՌԴ ԱԳՆ-ն հաղորդում…
ԱՄՆ փոխնախագահ Քամալա Հարիսը, որը թեկնածություն է առաջադրել Դեմոկրատական կուսակցությունից, կարծում է, որ իր մրցակից…