Ադրբեջանի ներքին գործերի նախարարությունը հայտնում է հոկտեմբերի 22-ին Բաքվի Նասիմիի շրջանում կատարված դաժան սպանության մասին:
Սպանվել են ամուսիններ՝ Իոսիֆ Տկաչը եւ Լյուդմիլա Տկաչը: Իոսիֆ Տկաչը երկար տարիներ աշխատել է Բաքվի ռուսական դրամատիկական թատրոնում, իսկ Լյուդմիլա Տկաչը երկարամյա մանկավարժ էր:
Նա Իլհամ Ալիեւի հրամանագրով արժանացել էր Ադրբեջանի վաստակավոր ուսուցչի կոչման:
Ադրբեջանի ՆԳՆ տեղեկատվությամբ՝ ոստիկանությունը հայտնաբերել եւ ձերբակալել է սպանության մեջ կասկածվող Իսլամ Խադիեւին: Այլ մանրամասնություններ հայտնի չեն:
Բաքվից ռուս եւ ռուսախոս բնակչությունը զանգվածաբար հեռացել է դեռեւս 1989-ի տարեվերջից սկսած: Վիճակագրական ստույգ տեղեկություններ չկան, բայց ներկայումս Ադրբեջանում ռուս եւ ռուսախոս բնակչության թվաքանակն իրականում չի անցնում 50-60 հազարից:
Բաքվում եւ Գյանջայում մնացել են հիմնականում ծեր եւ անօգնական մարդիկ: Իոսիֆ Տկաչը 85 տարեկան էր, նրա կինը՝ 84:
Ահա այդպես են հետխորհրդային տարածքի «ամենահանդուրժողական, բազմադավան եւ բազմամշակութային» Ադրբեջանում հաշվեհարդար տեսնում երկու զառամյալ ռուսի հետ:
Թիվ 1 սյունակ, Վահրամ Աթանեսյան