Երևանի քաղաքապետ Տիգրան Ավինյանը լրագրողների հետ ճեպազրույցում անդրադարձել է պիկ ժամերին Երևանի մետրոյում կուտակումներին․
«Մենք տարեցտարի ավելացնում ենք շարժակազմերը, վստահեցնում եմ՝ միասնական տոմսային համակարգի անցումը ևս, ընթացիկ շարունակական զարգացման տեսանկյունից, շատ հնարավորություններ է տալիս»,- ասել է նա։
Ավինյանը որպես օրինակ մատնանշել է «Շտապ օգնությունը», որը նախորդ տարի 75 մլն դրամ պարտք է ունեցել, իսկ այս տարի, ընդհակառակն, փակել է պարտքերն ու վաստակել 75 մլն դրամ․
«Շտապ բուժօգնության ծառայությունը պլանավորում է իր շարժակազմերն ավելացնել։ Նույնը տեղի է ունենալու նաև մետրոպոլիտենում, ավտոբուսում, տրոլեյբուսում»։
