ՀՀ ֆինանսների նախարար Վահե Հովհաննիսյանը հայտարարել է, որ չեն ցանկանում, որ առաջվա պես երկիր ներմուծվեն հին մեքենաներ․
«Չենք ցանկանում, որ Հայաստանը դառնա այդ մեքենաների ուտիլիզացիայի տեղ»,- ասել է նա՝ ԱԺ ՔՊ խմբակցության պատգամավոր Արսեն Թորոսյանի հարցին ի պատասխան։
«Հետագայում կամ շատ կարճ ժամանակ հետո մենք կուզենք այնպիսի մեքենաներ ներմուծել, որոնց ծառայության ժամկետը հնարավորինս երկար լինի: Կարծեմ՝ բոլորին տրամաբանորեն պարզ է այս քաղաքականությունը»,- նշել է նախարարը։
Թորոսյանը հիշեցրել էր, որ ՊԵԿ-ը հաղորդագրություն է տարածել, ըստ որի, հաջորդ տարվանից մաքսային արտոնությունը կտրամադրվի 2023թ.-ից արտադրված մեքնաների համար.
«Իրավական կանխատեսելիության առումով միգուցե որևէ քաղաքացի չի կարող ակնկալել, որ մեքենան բերելու պահին այդ քվոտան լրացած չլինի»,- ասել է նա՝ հավելելով, որ «Սա անկանխատեսելի շրջադարձ է քաղաքացիների համար»։
