Փարաքար խոշորացված համայնքի Մերձավան բնակավայրի վարչական ղեկավար Մհեր Ախտոյանն ազատ է արձակվել: Այս մասին «Հայկական ժամանակ»-ին հայտնել է նրա եղբարը՝ Դավիթ Ախտոյանը:
Դատարանը Ախտոյանի նկատմամբ այլընտրանքային խափանման միջոց է ընտրել ստորագրությունը:
Հիշեցնենք՝ Փարաքար համայնքի նախկին ղեկավար Դավիթ Մինասյանը և Մերձավան բնակավայրի վարչական ղեկավար Մհեր Ախտոյանը կալանավորվել էին: Ըստ Քննչական կոմիտեի՝ նրանք չարաշահել են ծառայողական լիազորությունները:
Փարաքար համայնքի նախկին ղեկավար Դավիթ Մինասյանն ազատ է արձակվել սեպտեմբերի 25-ին: Դատարանը Մինասյանի նկատմամբ այլընտրանքային խափանման միջոց է ընտրել 5 միլիոն դրամի չափով գրավը, բացակայելու արգելքը և վարչական հսկողությունը։
