Միացյալ Նահանգները նպատակ ունի ամբողջությամբ ենթարկել Հայաստանը։ Այս մասին ասվում է ՌԴ արտաքին հետախուզության ծառայության հաղորդագրության մեջ։
«Հերթական անգամ հավաստի տեղեկատվությամբ համոզվում ենք, որ ԱՄՆ-ը չի հրաժարվում այսպես կոչված ժողովրդավարացում պարտադրելու ծրագրերից՝ նպատակ ունենալով ամբողջությամբ ենթարկել Հայաստանը:
ԱՄՆ Պետդեպարտամենտը կասկածում է Արևմուտքի հետ մերձեցման Հայաստանի կուրսի անշրջելիությանը, որը բխում է նրանից, որ հայերը, ովքեր «փող հաշվել գիտեն», ժամանակի ընթացքում անխուսափելիորեն կհասկանան անուղղելի վնասը, որը սպառնում է նրանց ավանդական տարածաշրջանային կապերի խզումից:
Ամերիկացիները մտածում են, թե ինչպես թույլ չտալ Երևանին դուրս գալ այսպես կոչված ժողովրդավարական ուղուց։ Ըստ նրանց՝ ելքը այս ուղին փորձված խամաճիկներով ամրացնելու մեջ է։
ԱՄՆ-ը «ժողովրդավարացման» շրջանակներում այդպիսին են համարում Արամ Սարգսյանի «Հանրապետություն», Արման Բաբաջանյանի «Հանուն հանրապետության», Տիգրան Խզմալյանի «Հայաստանի Եվրոպական», Լևոն Շիրինյանի «Քրիստոնեա-դեմոկրատական» կուսակցությունները։
Արդեն սկսվել է արևմտամետ կուսակցությունների քաղաքական գովազդը՝ նպատակ ունենալով ապահովել նրանց մուտքը խորհրդարան 2026-ի ընտրություններում:
Ժողովրդավարության այս «անզիջում կողմնակիցներին» հանձնարարված է Հայաստանի գործադիր իշխանության «ձեռքերին խփել», եթե վերջինս հարևան Վրաստանի կառավարության օրինակով մտադիր է առաջնահերթություն տալ հայ ժողովրդի օբյեկտիվ ազգային շահերին, ավանդույթներին և արժեքներին». ՌԴ արտաքին հետախուզության ծառայություն
