Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
«Մինչեւ վերեջերս ով ԼՂ իշխանությունների, էլիտայի հասցեին քննադատական խոսք էր ասում, պիտակվում էր «պառակտիչ»։
Ըստ երեւույթին, Ստեփանակերտի քաղմնացորդը, տեսնելով, որ ինքը բազամապառակտված է եւ «պառակտիչ»-ի դեմ քարոզչությունը ոչինչ չի տալիս, որոշել է «արցախատյաց» անվանել նրանց, ովքեր, օրինակ, կասեն, որ ԼՂՀ նախկին նախարարները ոչ թե հարյուր քսան հազար մարդ հայրենի հողում պահելու, այլ Երեւանից տարեկան ստացած հարյուր միլիարդ գումարից «տուն պահելու» միջոցներ սեփականացնելու հարց են լուծել:
Ընդ որում, հանրությանը հավաստիացնելով, որ Շուշին եւ Հադրութը ետ են բերելու, Լաչինի միջանցքը մշտապես եւ անխափան գործելու է, Աղավնոյի, Սուսի եւ Լաչինի դիմաց էլ համարժեք տարածքներ ստանալու ենք նոր «միջանցքի հարավային թեւում»:
Այս կեղծախոսությու՞նն է արցախատյացություն, թե՞ այդ մասին հիշեցումները»։
