Ռուսաստանը չի հրաժարվում Հայաստանի հետ ռազմաքաղաքական պայմանագրերից: Այս մասին հայտարարել է ՌԴ փոխարտգործնախարար Միխայիլ Գալուզինը, փոխանցում է РИА Новости-ն։
Նա ընդգծել է, որ ռուսական կողմը հավատարիմ է համաձայնությունների ամբողջ շրջանակին ինչպես երկկողմ մակարդակով, այնպես էլ եվրասիական տարածքում միավորման շրջանակներում։
«Մոսկվան չի հրաժարվում իր դաշնակիցների հանդեպ ստանձնած պարտավորություններից։ Խոսքը նաև ռազմաքաղաքական ոլորտի մասին է»,- հավելել է Գալուզինը։
Ավելի վաղ ՀՀ վարչապետ Նիկոլ Փաշինյանը հրաժարվել էր մասնակցել Աստանայում կայացած Հավաքական անվտանգության պայմանագրի կազմակերպության (ՀԱՊԿ) գագաթնաժողովին։ Ռուսաստանի նախագահ Վլադիմիր Պուտինը մեկնաբանել է այս որոշումը՝ ասելով, որ յուրաքանչյուր երկիր ինքն է ընտրում ինչ անել անվտանգության ոլորտում։
