Պեպ Գվարդիոլան գնահատել է վնասվածքների ազդեցությունը «Մանչեսթեր Սիթիի» արդյունքների վրա: Երեկ ԱՊԼ-ի 13-րդ տուրում «քաղաքայինները» արտագնա խաղում 0:2 հաշվով պարտվել են «Լիվերպուլին»: «Մանչեսթեր Սիթին» պարտվել է ԱՊԼ-ի 5-րդ անընդմեջ խաղում և չի հաղթում բոլոր մրցաշարերում 7-րդ անընդմեջ խաղերում:
«Մենք նախամրցաշրջանային պատրաստություն չենք ունեցել, հետո վնասվածքներ ենք ունեցել, բայց մենք գիտենք այդ մասին և պետք է հաղթահարենք սա։ Մենք պայքարեցինք, բայց շատ պահեր չստեղծեցինք։
Որպես մարզիչ՝ ես նստած եմ այստեղ և պաշտպանում եմ այն, ինչին մենք հասել ենք անցյալում՝ շնորհիվ նրանց [խաղացողների], և ավելին, քան երբևէ, ես ուզում եմ գրկել նրանց և լինել նրանց կողքին: Մենք պետք է փոխենք արդյունքները, և ճիշտ ժամանակին որոշում կկայացնենք։
Խաղից առաջ ես ասել էի, որ մենք այն իրավիճակում չենք, որ մտածենք մեր նպատակների մասին, բայց մրցաշրջանը երկար է։ Մենք պետք է մտածենք արդյունքների հասնելու մասին, և երբ որոշ խաղացողներ վերադառնան, մենք ավելի լավը կդառնանք, և գուցե սկսենք հավատալ։ Մենք պայքարելու շատ բան ունենք և կաշխատենք», – ասել է «Մանչեսթեր Սիթիի» գլխավոր մարզիչը:
