Առողջապահության նախարար Անահիտ Ավանեսյանը` որպես ԳԱՎԻ պատվաստումների և պատվաստանյութերի միջազգային դաշինքի խորհրդի անդամ, Բալիում մասնակցում է դաշինքի խորհրդի տարեվերջյան գագաթնաժողովին:
Հանդիպմանը քննարկվում է 2026-2030 թթ․ ռազմավարության հաստատումը։ Այն ուղղված է ոլորտի գլոբալ նպատակների իրականացմանը, առաջնային մարտահրավերների հասցեագրմանն ու վերջիններով պայմանավորվածառկա խնդիրների լուծմանը, մասնավորապես իմունիզացիայի ծրագրերի և առողջապահական համակարգերի ամրապնդմանը, գլոբալ մակարդակով պատվաստանյութերի հասանելիության ապահովմանը:
Գագաթնաժողովը կարևոր է նաև միջին եկամուտ ունեցող երկրների, այդ թվումնաև Հայաստանի համար ԳԱՎԻ-ի օժանդակությունից օգտվելու, ինչպես նաև նոր պատվաստանյութերի ձեռքբերման հնարավորությունների տեսանկյունից:
Նախարարը հանդիպել է Ինդոնեզիայի առողջապահության նախարար Բուդի Գունադի Սադիկինի հետ։
Համագործակցության նոր մակարդակներ ձևավորելու նպատակով այցի շրջանակներում նախարարն ունեցել է երկկողմ ձևաչափով այլ հանդիպումեր` անդամ և դոնոր երկրների առողջապահության նախարարների հետ, որոնց ընթացքում քննարկվել են իմունականխարգելման ծրագրերը և միջին եկամուտ ունեցող երկրների կարևորությունը ԳԱՎԻ-ի ծրագրերում։
