«Ռուսաստանի հետ մենք միշտ շահույթով ենք դուրս եկել»,- «ԱրմԼուր»-ի եթերում ասել է «Ուժը Հայրենյաց» կուսակցության ղեկավար Տիգրան Արզաքանցյանը՝ անդրադառնալով Հայաստանի դեպի Արևմո՞ւտք, թե՞ դեպի Ռուսաստան կեղմնորոշմանը:
Արզաքանցյանը նշել է, որ այսօրվա հարաբերությունների պատճառով հիմա մեր 1000-ից ավելի վարորդները Լարսում կանգնած են, քանի որ չունենք թունելներ, որը ռուսը մեզ հետ համատեղ կարող էր սարքել:
«Մեր քաղաքական աշխատանքի որակը չի հագեցնում Ռուսաստանի բոլոր քաղաքական գործիչներին: Իրենք գոհ չեն, դրա համար չեն թողնում, որ մեր մեքենաները ժամանակին հասնեն: Տնտեսական ճնշում ա, որ մենք հասկանանք»,- ասել է Արզաքանցյանը՝ հավելելով, որ Նիկոլ Փաշինյանին էլ է տեղեկացրել այս խնդիրների մասին, իսկ նա էլ նշել է, որ Ռուսաստանն էլ մեղավորություններ ունի՝ իր խոստումները չի կատարում:
«Ես համաձայն եմ Փաշինյանի այդ հիմնավորման հետ: Ես Ռուսաստանի ղեկավարության հետ հանդիպել եմ, իրենք իրենց մեղավորությունը զգում են: Վլադիմիր Պուտինի հետ էլ եմ հանդիպել, բայց ոչ այս անգամ: Իրենք հիմա մեր կողմից ուզում են ճիշտ ու արդար աշխատանքային քայլեր»,- ասել է Արզաքանցյանը:
