Աշխարհազորայինները հանդիսանալու են տեղական պաշտպանության ուժերը համալրողներ. այս մասին ԱԺ պաշտպանության և անվտանգության հանձնաժողովի նիստում ասաց Պաշտպանության նախարարի տեղակալ Արման Սարգսյանը՝ «Պաշտպանության մասին» օրենքում փոփոխություններ եւ լրացում կատարելու մասին նախագծի քննարկման ընթացքում։
Սարգսյանը արձագանքելով Գեղամ Մանուկյանին ասաց. «Եթե մենք ասում ենք աշխարհազորի համակարգը չի կայացել կամ ինչ-որ թերություններ ունենք այդ ոլորտում՝ չեմ կարծում, թե մարզպետի տեղակալներ նշանակելով կամ չնշանակելով կարելի էր ա՛յդ հարցը լուծել կամ չլուծել»։
