«Թույլատրեք՝ հաղորդակցվելու, մասնավորապես, էլեկտրոնային և սովորական նամակագրություն, հեռախոսազանգեր ՀՀԿ Գործադիր մարմնի անդամների հետ: Նրանք 17 հոգի են»,- դատական նիստի ժամանակ, դիմելով դատավորին, ասաց ՀՀԿ փոխնախագահ Արմեն Աշոտյանը:
Նա ընդգծեց, որ իրավիճակը և՛ երկրում, և՛ երկրի շուրջ այնպիսինն է, որ քաղաքական գործունեության մեջ իր կարևոր տեղն ունեցող կուսակցությունը ունի անելիքներ և ասելիքներ:
«Եվ ես, որպես այդտեղ ղեկավարի պաշտոն զբաղեցնող անձնավորություն, իրավունք չունեմ անմասն մնալու և մասնակցության ազատություն ունեմ այդ պարագայում և՛ կուսակցության ընթացիկ գործունեությանը, և՛ Գործադիր մարմնի անդամների հետ շփվելով կուսակցության տեսակետների և որոշումների կայացման գործում»:
Դատավորը նշեց. «Դատարանը գտնում է, որ այս պահի դրությամբ ավելի լայն շրջանակ, ում հետ Արմեն Աշոտյանը շփման հնարավորթուն կունենա, առկա չէ»։
