Դեկտեմբերի 18-ին «Հնագույն քաղաքակրթությունների» ֆորումի շրջանակներում ՀՀ նախագահության ներքո Երևանում տեղի կունենա ֆորումի նախարարական 8-րդ հանդիպումը: Այս մասին հայտնում են ՀՀ ԱԳՆ-ից։
«ՀՀ արտաքին գործերի նախարար Արարատ Միրզոյանը միջոցառմանը հանդես կգա բացման խոսքով: Միջոցառմանը կմասնակցեն Բոլիվիայի, Եգիպտոսի, Իրանի, Հունաստանի, Պերուի և Իրաքի ներկայացուցիչները:
Տեխնիկական մանրամասներ
Միջոցառումը տեղի կունենա Հայաստանի ազգային պատկերասրահում։ Ժամը 10։45-ին նախատեսված է միջոցառման մասնակիցների համատեղ լուսանկարահանում։ 11։00-11։15 տեղի կունենա միջոցառման պաշտոնական բացումը՝ ներառյալ ձևաչափում նախագահող ՀՀ ԱԳ նախարար Արարատ Միրզոյանի բացման խոսքը։
Միջոցառման լուսաբանմանը կարող են մասնակցել ԱԳՆ 2024թ. հավատարմագրումն անցած օպերատորները և լուսանկարիչները՝ բացառապես ԱԳՆ հավատարմագրման քարտի առկայության պարագայում: Մասնակցության հաստատման դեպքում խնդրում ենք միջոցառման վայրում լինել ժամը 10։20-ին»,-ասված է հաղորդագրության մեջ:
