ՌԴ ԶՈւ գլխավոր շտաբի պետ Վալերի Գերասիմովն անդրադարձել է հայ-ադրբեջանական բանակցություններին՝ նշելով, որ ՌԴ-ն Անդրկովկասում կառուցողական միջոցներ է ձեռնարկում, և դրա շնորհիվ Բաքուն ու Երևանը հաջողությամբ շարժվում են դեպի երկկողմ հարաբերությունների կարգավորում։
«Ի հակակշիռ Արևմուտքի կործանարար գործողությունների՝ Ռուսաստանն այս տարածաշրջանում կառուցողական քայլեր է անում։ Մեր պետության ջանքերի շնորհիվ ակնհայտ է Բաքվի և Երևանի դրական առաջխաղացումը երկկողմ հարաբերությունների կարգավորման ուղղությամբ», – ասել է Գերասիմովը։
Նա նաև նշել է, որ արդեն ավարտվել է Ադրբեջանի Ղազախի շրջանի և Հայաստանի Տավուշի մարզի միջև սահմանազատման ամենաբարդ հատվածներից մեկը։
