Երևանի քաղաքապետ Տիգրան Ավինյանը հայտարարել է, որ, ընդունելով 2025թ. համայնքային բյուջեն, շարունակելու են նախանշված ծրագրերի իրականացումը․
«Ոմանք՝ այս դահլիճում նստած, դահլիճից դուրս, իրենց անցյալը մի փոքր լավ չհիշելով՝ մեզ մոտավորապես իրենց վերաբերող պիտակներն են ուզում կպցնել»,- ասել է Տիգրան Ավինյանը։
Նա նշել է, որ այդ անձինք մոռացել են «մանկապարտեզների մասնավորեցումը, անձնական օգտագործման նկուղներում պահվող սնունդը, որ ուրիշ տեղերում պետք է հայտնվեր, մոռացել են կասկածելի ձևով կառուցված հէկերը»։
Քաղաքապետը նաև զգուշացրեց. «Որտեղ ուզում եք, շոուներն արեք, բայց ձեր փոշոտ անցյալը թաքցնել չեք կարող։ Մենք էլ կխոսենք, համբերությունն էլ սահման ունի»։
