Հակակոռուպցիոն կոմիտեում քննվող քրեական վարույթի շրջանակներում մեղադրանք է առաջադրվել Ջրային կոմիտեի նախկին նախագահ Վահագն Գևորգյանին։
Կոմիտեից Radar Armenia-ին փոխանցեցին, որ նրա նկատմամբ խափանման միջոց է կիրառվել տնային կալանքը. «Վարույթի շրջանակներում կան մեղադրյալի կարգավիճակ ունեցող այլ անձինք։ Այլ մանրամասներ չենք կարող հայտնել՝ նախաքննության շահերից ելնելով»։
Հիշեցնենք՝ վարչապետի որոշմամբ, Վահագն Գևորգյանը դեկտեմբերի 20-ին ազատվել էր Ջրային կոմիտեի նախագահի պաշտոնից։
