«Ես խոնարհաբար ներողություն եմ խնդրում յուրաքանչյուրից, որ այս պահին հնարավոր չեղավ իրականացնել մեր ծրագիրը»,- ասուլիսի ժամանակ ասաց «Սրբազան պայքար»-ի առաջնորդ Բագրատ Գալստանյանը:
Շարունակելով խոսքը՝ Գալստանյանը շեշտեց. «Մենք գործելու ենք ոչ թե հնարավոր է, թե՝ ոչ, այլ անհրաժեշտություն է, թե՝ ոչ այս չարիքին հեռացնելը: Այն անհրաժեշտություն է և այդպես էլ կդառնա հնարավոր»:
Գալստանյանի խոսքով մեր ժողովուրդը կարիք ունի երկխոսության՝ իր ներկայի, գալիքի, իր արժեքների և իր կյանքի ու ինքնության մասին:
«Այս իշխանությունը ձգտում է փոխել մեր հայրենիքի բովանդակությունը, ինքնությունն ու արժեքները՝ գողանալով մեր խորհրդանիշները, մեր երազներն ու իղձերը, մեր պատիվն ու կենսագրությունը: «Սրբազան պայքար»-ը այդ մասին է՝ նյութական չակնկալիքներ ունենալու մասին է, հետևաբար վերջին վերջակետ կունենա միայն ու միայն հաղթանակի դեպքում: Մեր պայքարի էությունը հոգևոր բարոյական է, նկարագիրը՝ ազգային, իսկ լուծումները՝ քաղաքական»,- նշեց Գալստանյանը։
