Հայաստանը կոռուպցիայի ընկալման զեկույցում 63-րդն է

«Transparency int.» միջազգային կազմակերպությունը հրապարակել է «Կոռուպցիայի ընկալման ինդեքս-2024» զեկույցը, որում ընդգրկված է աշխարհի 180 երկիր։ Կազմակերպության ներկայացրած աղյուսակում Հայաստանը զբաղեցրել է 63-րդ տեղը՝ իր ակտիվում 100-ից ունենալով 47 միավոր։

Զեկույցի համաձայն՝ կոռուպցիայի ընկալման ամենացածր վարկանիշ ունեցող երկրների տասնյակում են
1․ Դանիա (90/100)
2․ Ֆինլանդիա (88/100)
3․ Սինգապուր (84/100)
4․ Նոր Զելանդիա (83/100)
5․ Լյուքսեմբուրգ, Նորվեգիա, Շվեյցարիա (81/100)
8․ Շվեդիա (80/100)
9․ Նիդեռլանդներ (78/100)
10․ Ավստրալիա, Իսլանդիա, Իռլանդիա (77/100)

Տարածաշրջանի առաջատարը Վրաստանն է. 180 երկրների մեջ վաստակած 53 միավորով Վրաստանը զբաղեցրել է աղյուսակի 53-րդ տեղը։ Ադրբեջանը և Ռուսաստանը զբաղեցրել են նույն՝ 154-րդ հորիզոնականը։ Թուրքիան 107-րդն է, իսկ Իրանը՝ 151-րդը։

Հիշեցնենք, որ կոռուպցիայի ընկալման համաթիվն (CPI) արտացոլում է փորձագետների և գործարարների կողմից կոռուպցիայի ընկալման մակարդակի գնահատականն՝ ըստ 100 բալանոց սանդղակի: Որքան բարձր է ինդեքսը, այնքան ցածր է ընկալումը և, համապատասխանաբար, երկրի վարկանիշը։

Նշենք, որ Հայաստանի միավորները նախորդ տարվա համեմատ չեն փոխվել։