Ի՞նչ ենք ասում մեր վարորդներին՝ արխային խախտե՞ք կանոնները. Թորոսյան

ԱԺ պաշտպանության և անվտանգության մշտական հանձնաժողովի նիստում քննարկվում է վարորդների համար 9 բալային միավորը 13 բալ դարձնելու նախագիծը։

ՔՊ խմբակցության պատգամավոր Արսեն Թորոսյանը նախագծի վերաբերյալ իր դժգոհությունները հայտնեց. «Մենք անընդհատ խոսում ենք ճանապարհային անվտանգության կանոնների խախտման մասին, բայց վատ հետևանքների համար չենք խոսում։ Վստահ եմ՝ տեղյակ եք, թե ինչ մահացություն ունենք ճանապարհներին։ Մենք սրանով ինչ մեսիջ ենք տալիս մեր վարորդներին, մեր հանրությանը։ Մենք անցյալ տարի 333 մահ ենք ունեցել, դրանից առաջ՝ 378, դրանից առաջ՝ 320, վերջին 3 տարում 1000-ից ավելի մարդ է մահացել ճանապարհներին։ Մենք այս թուլացումը անելով, բալերը մի կողմ թողնելով, ինչ ենք ասում մեր վարորդներին՝ արխային խախտե՞ք կանոնները»։