Factor.am-ի տեղեկություններով՝ քաղաքագետ, Հանրային խորհրդի անդամ Ստյոպա Սաֆարյանը կնշանակվի հանրային խորհրդի նախագահ։ Այդ հարցը կքննարկվի վաղվա կառավարության նիստի ընթացքում։
Լրատվականի հետ զրույցում Ստյոպա Սաֆարյանն ասել է․ «Այո, ինձ նման առաջարկ արվել է, եւ ես այն ընդունել եմ։ Մնացածն արդեն վարչապետի որոշման տիրույթում է»։ Հարցին, թե երբ է արվել այդ առաջարկը, Ստյոպա Սաֆարյանը արձագանքեց, որ դա էական չէ։
Նշենք, որ Հանրային խոհրդի 45 անդամների կազմը ձևավորվում է հետևյալ կերպ՝ առաջին 15 անդամներին հաստատում է կառավարությունը վարչապետի առաջարկով, հաջորդ 15 անդամները ՀԽ անդամ են դառնում՝ ընտրվելով ՀԽ հանձնաժողովների նախագահներ, վերջին 15 անդամներին ընտրում են ՀԽ նախորդ 30 անդամները։
Ամբողջական հոդվածը կարող եք կարդալ այս հասցեով՝ factor.am
