Ես շնորհակալ եմ Մակրոնին. Զելենսկի

Ես շնորհակալ եմ Ֆրանսիայի նախագահ Էմանուել Մակրոնին նրա հստակ տեսլականի և խաղաղության հասնելու մեր համատեղ ջանքերի համար։ Այս մասին գրել է Ուկրաինայի նախագահ Վլադիմիր Զելենսկին սոցիալական ցանցերում։

Ինչպես գրում է Զելենսկին, «խաղաղությունը պետք է լինի իրական, ոչ թե միայն բառ, դա չի կարող նշանակել Ուկրաինայի կապիտուլյացիա կամ կազմալուծում»։

«Դա պետք է լինի արդար, հուսալի, երկարաժամկետ, և դրան կարելի է հասնել միայն ուժեղ և երկարաժամկետ անվտանգության երաշխիքներով՝ Ուկրաինայի, Եվրոպայի և ամբողջ աշխարհի համար։ Մենք մեծապես գնահատում ենք բոլորի ղեկավարությունն ու ջանքերը, ովքեր աջակցում են Ուկրաինային և ուժեղացնում Եվրոպայի պաշտպանական կարողությունները։ Մենք անհամբերությամբ սպասում ենք առաջիկա օրերին միասին աշխատելու խաղաղությանն ուղղված քայլերի ուղղությամբ»,- նշել է Վլադիմիր Զելենսկին։