Այլընտրանք կար` գնալ նոր ընտրությունների. Նազելի Բաղդասարյան

Գյումրիի ավագանու ընտրություններին ՔՊ նախընտրական ցուցակում ընդգրկված ՀՀ վարչապետի խոսնակ Նազելի Բաղդասարյանը գրել է.

«Ե՛վ Գյումրու, և՛ գյումրեցիների համար եք պատասխանատու։

Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։
Իսկ եղավ այն, ինչի մասին ասում էինք։ Գյումրու ճակատագիրն այս մարդկանց ի բնե հետաքրքիր չի եղել։ Իրենք իշխանազավթում էին տենչում, և տերերի ցուցմամբ պատրաստ եղան Գյումրին դնել զոհասեղանին։

Իսկ այլընտրանք կար՝ գնալ նոր ընտրությունների։ Բայց չէ՞ որ մարդիկ հենց այսօր են անցնում ընտրակաշառքի գործերով։ Եվ բնական է, որ նոր ընտրությունների պարագայում հավաքած ձայների կեսն էլ չէին ունենա։

Եվ ուրեմն կեցցե՛ քաղաքական առուծախը, որը նոր երևույթ չէ։

Հարցն այն է՝ ծախողի՞, թե՞ ծախվողի դերում ես։
Ինչևէ, ոմանց թասիբի և արժանապատվության մասին պատկերացումներս ամբողջացան։

Սպասելի էր»,-ասված է գրառման մեջ։