Վրաստանի՝ որպես պետության կայացման համար երկիրը պետք է լուծի Հայաստանի և Ադրբեջանի հետ միջսահմանային հարցերը, – հայտարարել է նախագահ Սալոմե Զուրաբիշվիլին։
Նա հիշեցրել է, որ կան սահմանամերձ տարածքներ, որոնք համաձայնեցված չեն հարևան Հայաստանի և Ադրբեջանի հետ, նշելով, որ սահմանազատման գործընթացը դադարեցվել է:
«Պարզ չէ, թե ինչու մենք չպետք է ավարտենք այս գործընթացը մեր բարեկամ երկրների հետ: Մեր հանձնաժողովները պետք է սկսեն աշխատել այս ուղղությամբ»,- նշել է նախագահը՝ Վրաստանի Հանրային հեռարձակողի «Առաջին ալիք»-ին տված հարցազրույցում:
