Իրանը ցանկանում է գործարք կնքել. Թրամփ

ԱՄՆ նախագահ Դոնալդ Թրամփը Axios-ին տված հարցազրույցում հայտարարել է, որ Իրանի հետ կապված իրավիճակը «փոփոխական է», քանի որ ԱՄՆ-ն տարածաշրջան է ուղարկել «մեծ նավատորմ»։ «Մենք Իրանի կողքին մեծ նավատորմ ունենք։ Ավելի մեծ, քան Վենեսուելայի մոտ», – ասել է Թրամփը։

Նա հրաժարվել է քննարկել իր ազգային անվտանգության թիմի կողմից ներկայացված տարբերակները կամ նշել, թե դրանցից որն է նախընտրում։ Միևնույն ժամանակ Թրամփը նշել է, որ դիվանագիտությունը մնում է հնարավոր տարբերակ։ «Նրանք ուզում են գործարք կնքել։ Ես դա գիտեմ։ Նրանք բազմիցս զանգահարել են։ Նրանք ուզում են խոսել»։

ԱՄՆ-ի բարձրաստիճան պաշտոնյան Թրամփի խոսքերից մի քանի ժամ անց լրագրողների հետ ճեպազրույցում ասել է. «Եթե նրանք ցանկանում են կապ հաստատել մեզ հետ և գիտեն պայմանները, ապա մենք կանցկացնենք այդ խոսակցությունը»։

Նա հավելել է, որ գործարքի համար ԱՄՆ պայմանները վերջին մեկ տարվա ընթացքում բազմիցս փոխանցվել են Իրանին։

«Lincoln»-ից բացի, ԱՄՆ-ն տարածաշրջան է ուղարկել լրացուցիչ F-15 և F-35 կործանիչներ, վառելիք լիցքավորող ինքնաթիռներ և օդային պաշտպանության լրացուցիչ համակարգեր։

Ըստ Axios-ի աղբյուրների՝ CENTCOM-ի հրամանատար ծովակալ Բրեդ Քուպերը շաբաթ օրը այցելել է Իսրայել՝ ռազմական պլանների և Իրանի կողմից հնարավոր հարձակման դեպքում համատեղ պաշտպանական քայլերի համակարգման համար։