Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
Խորհրդարանական ընտրությունները պետք է մի գոյութենական հարցի պատասխան տան. Հայաստանը Ադրբեջանի եւ Թուրքիայի հետ հարաբերությունների կարգավորման ինքնաբավ ռեսուրս, կամք, ազգային արժանապատվություն ունի՞, թե՞ դարձյալ ապավինում է երրորդ ուժի «փրկչականությանը»: Ընդ որում, հարցի դրական պատասխանը միջազգային հարթակներում Հայաստանի հեղինակությունը բարձրացնելու է աննախադեպ մակարդակի, իսկ բացասականը մեր հայրենիքը վերադարձնելու է ֆորպոստի «կարգավիճակի»: Ֆորպոստը երկու հզոր ուժերի մարտադաշտ է: Ազգային արժեքների «պահապանները» թող Չարենց կարդան.
-Եւ կրկին Նաիրին դարձավ
Բարբարոս սրերի հեսան…
Հ.Գ. Մեջբերել եմ հիշողությամբ: Եթե օրիգինալի հանդեպ մեղք եմ գործել, թող ներեն, բայց իմաստը ստույգ փոխանցված է:
