ՀՀ-ում 138 վարորդ մեկ տարի ժամկետով զրկվել է տրանսպորտային միջոց վարելու իրավունքից: Այս մասին տեղեկացնում է Ճանապարհային ոստիկանության ներկայացուցիչ Տաթևիկ Ստամբոլյանը:
Սույն թվականի հունվարի 1-ից հունվարի 29-ը ներառյալ Ճանապարհային ոստիկանության ճանապարհապարեկային ծառայության ստորաբաժանումների ուժերով ՀՀ ճանապարհներին հայտնաբերվել է ՀՀ ՎԻՎ օրենսգրքի 126-րդ հոդվածի 2-րդ մասի պահանջները խախտելու համար, այն է տրանսպորտային միջոցները ոչ սթափ վիճակում վարելը, եթե վարորդի արյան մեկ լիտրի մեջ մաքուր ալկոհոլի պարունակությունը գերազանցում է 1 գրամը կամ եթե նրա մեկ լիտր արտաշնչած օդի մեջ մաքուր ալկոհոլի պարունակությունը գերազանցում է 0.5 միլիգրամը #138_վարորդ, ինչի արդյունքում վերջիններս ենթարկվել են վարչական պատասխանատվության՝ մեկ տարի ժամկետով զրկվելով տրանսպորտային միջոցներ վարելու իրավունքից:
Հարգելի՜ վարորդներ, կրկին կոչ ենք անում պահպանել ճանապարհային երթևեկության կանոնները
https://www.facebook.com/photo.php?fbid=2799545203470163&set=a.254733881284654&type=3&theater
