Վարչապետ Նիկոլ Փաշինյանը նշել է, որ ՌԴ նախագահի և կառավարության հետ ունի վստահելի հարաբերություններ։
«Առաջին անգամ չէ, որ հարցեր են ծագում և պարզաբանման կարիք ունեն։ Նաև Կրեմլն է հանդես եկել մեկնաբանությամբ, որ հարցեր կան, որոնք պետք է պարզաբանվեն։ ՀՀ-ՌԴ հարաբերությունները դրական տրանսֆորմացիայի փուլում են»,- շեշտել է վարչապետը։
Նրա խոսքով՝ կան որոշակի գործոններ, որոնք որոշակի նյարդ են հաղորդում այս հարաբերություններին․ «Օրինակ՝ ՀԿԵ-ի հարցը։ Կլինեն էմոցիոնալ, սադրանքներին տրված հայտարարություններ, բայց նյարդի մեջ չենք մտնելու։ Մենք ասել ենք, որ ՌԴ-ի հետ լեզվակռվի, բանավեճի մեջ չենք մտնելու, այլ աշխատանքային կարգով բոլոր հարցերը քննարկվելու են»,- նշել է նա և հավելել, որ Հայաստանը այլևս չի մտնելու մի վիճակի մեջ, որ այլընտրանք չունենա։
